ڪراچي(ويب نيوز) آل پاڪستان گڊز ٽرانسپورٽ اتحاد جي صدر ملڪ شهزاد اعواڻ ڀاڙن ۾ 7 سيڪڙو واڌ جو اعلان ڪندي چيو آهي ته گذريل 7 ڏينهن دوران ڊيزل جي قيمت ۾ في ليٽر 26 رپيا 88 پئسا واڌ ٿي آهي.
ملڪ شهزاد جو چوڻ آهي ته گذريل هڪ هفتي دوران پيٽرول جي قيمت ۾ به في ليٽر 20 رپيا واڌ ڪئي وئي آهي.
ٻئي طرف گڊز ٽرانسپورٽ جا ڀاڙا وڌڻ سبب روزمره جي استعمال وارين شين جي قيمتن ۾ وڌيڪ واڌ جو خدشو ظاهر ڪيو پيو وڃي.
واضح رهي ته حڪومت گذريل ڏينهن ڊيزل جي قيمت ۾ 3 رپيا 47 پئسا واڌ ڪئي، جنهن کانپوءِ ڊيزل جي نئين قيمت 424 رپيا 92 پئسا في ليٽر ٿي وئي آهي.
