هالا (رپورٽ: عامر علي انڙ) هالا جي مخدوم غلام حيدر گورنمينٽ هاءِ اسڪول ۾ پاڻي پيئڻ جي معمولي ڳالهه تان ٻن شاگرد گروپن ۾ جهيڙو ٿي پيو، جنهن بعد مبينا طور ڪجهه ماڻهو لٺيون ۽ ڪهاڙيون کڻي اسڪول ۾ داخل ٿيا ۽ حملو ڪري 2 شاگردن ميلاد رضا فراش، امام الدين فراش ۽ سندن والد سڌير فراش کي زخمي ڪري ڇڏيو.
واقعي خلاف استادن گسٽا اڳواڻ ڪريم ڏنو ڪاڪا جي اڳواڻي ۾ درگاهه روڊ تي ڌرڻو هڻي روڊ بلاڪ ڪري ڇڏيو.
پوليس عملدارن جوابدارن خلاف قانون موجب ڪارروائي ۽ گرفتاري جي خاطري ڪرائي.
