مستونگ (رپورٽر) بلوچستان ۾ آپريشن ردالفتنہ 3 تحت سيڪيورٽي فورسز جون مبينا دهشتگردن خلاف ڪارروايون جاري آهن. سيڪيورٽي ذريعن موجب مستونگ جي ڪنڪ وادي واري علائقي ۾ فتنة الخوارج سان لاڳاپيل دهشتگردن سيڪيورٽي چوڪي تي حملي جي ڪوشش ڪئي، جنهن تي فورسز فوري ڪارروائي ڪئي.
سيڪيورٽي ذريعن موجب فائرنگ جي ڏي وٺ دوران 2 دهشتگرد مارجي ويا، جڏهن ته فرار ٿيندڙ دهشتگردن جو پيڇو ڪندي وڌيڪ 7 دهشتگردن کي به ماريو ويو.
ذريعن جو چوڻ آهي ته مارجي ويل دهشتگردن وٽان 3 موٽرسائيڪلن سميت وڏي مقدار ۾ هٿيار ۽ گولا بارود هٿ ڪيو ويو آهي.
فائرنگ جي ڏي وٺ دوران سيڪيورٽي فورسز جو هڪ اهلڪار پڻ زخمي ٿي پيو، جنهن کي طبي امداد لاءِ اسپتال منتقل ڪيو ويو.
سيڪيورٽي فورسز موجب بلوچستان مان آخري دهشتگرد جي خاتمي تائين ڪارروايون جاري رهنديون.
