نوابشاهه ( رپورٽ: اي ڪي ڏاهري ) نوابشاهه جي ايئرپورٽ ٿاڻي جي حد ڀنگوار ڪالوني ۾ مبينا سڱاوتي تڪرار تان سوٽ هٿان 25 ورهين جو نوجوان گولي لڳڻ سبب قتل ٿي ويو.
پوليس موجب، فائرنگ جي نتيجي ۾ سينگار علي ولد گل محمد مراسي سيني ۾ گولي لڳڻ سبب سخت زخمي ٿي پيو، جنهن کي ڳڻتي جوڳي حالت ۾ پيپلز ميڊيڪل اسپتال منتقل ڪيو ويو.
اسپتال ۾ علاج دوران سينگار علي زخمن جا سور نه سهندي فوت ٿي ويو. نوجوان جو لاش پيپلز ميڊيڪل اسپتال جي مرده خاني ۾ رکيو ويو، جتي پوسٽ مارٽم بعد لاش وارثن حوالي ڪيو ويو.
حد جي پوليس موجب واقعي جي وڌيڪ جاچ جاري آهي، پوليس واقعي ۾ ملوث جوابدار بابت وڌيڪ معلومات گڏ ڪري رهي آهي.
