پشاور ( ويب ڊيسڪ ) خيبرپختونخواهه جي گورنر فيصل ڪريم ڪنڊي اڳوڻي وڏي وزير ۽ پاڪستان تحريڪ انصاف جي اڳواڻ سهيل آفريدي کي حفاظتي تحويل ۾ وٺڻ جي تصديق ڪندي چيو آهي ته سهيل آفريدي محفوظ هٿن ۾ آهي.
گورنر فيصل ڪريم ڪنڊي موجب سهيل آفريدي هن وقت حفاظتي تحويل ۾ آهي، جڏهن ته سندس اسٽيٽس هن وقت آف لائن آهي. هن چيو ته جيڪڏهن سهيل آفريدي خلاف ڪو ڪيس نه هوندو ته کيس آزاد ڪيو ويندو.
فيصل ڪريم ڪنڊي چيو ته قانون جي نظر ۾ ڪو به وڏو يا ننڍو ناهي، جيڪو به ڪرپشن ڪندو، ان خلاف ڪارروائي ڪئي ويندي.
پي ٽي آءِ بابت ڳالهائيندي گورنر ڪي پي چيو ته پارٽي ڪڏهن به دهشتگردي ۽ انتهاپسندي خلاف بيان ناهي ڏنو.
گورنر جي بيان کانپوءِ سهيل آفريدي جي تحويل، سندس موجوده حيثيت ۽ آزاديءَ بابت صورتحال اهميت اختيار ڪري وئي آهي. تنهن هوندي به سندس تحويل جي قانوني بنياد، ڪنهن امڪاني ڪيس جي تفصيلن ۽ آزاديءَ بابت وڌيڪ صورتحال لاڳاپيل اختيارين جي وضاحت کانپوءِ واضح ٿيندي.
