دمبولا: (ويب ڊيسڪ) پاڪستان عورتن جي ڪرڪيٽ ٽيم کي سريلنڪا جي دوري دوران ون ڊي سيريز کان پوءِ ٽي ٽوئنٽي سيريز ۾ به شڪست جو منهن ڏسڻو پيو.
پاڪستان ٽيم آخري ٽي ٽوئنٽي ميچ ۾ سريلنڪا کي 4 وڪيٽن تان شڪست ڏني، پر ميزبان ٽيم سيريز 2-1 تان پنهنجي نالي ڪري ورتي.
فاطمه ثنا جي قيادت ۾ پاڪستان ٽيم ون ڊي سيريز 1-2 تان هارائي، جڏهن ته منيبا علي جي ڪپتاني هيٺ ٽي ٽوئنٽي سيريز ۾ به ناڪامي ملي.
آخري ٽي ٽوئنٽي ميچ ۾ سريلنڪا 6 وڪيٽن تي 113 رنسون ٺاهيون، جنهن جي جواب ۾ پاڪستان 19هين اوور ۾ 6 وڪيٽن جي نقصان تي 115 رنسون ٺاهي ڪاميابي حاصل ڪئي.
ٽي ٽوئنٽي سيريز ۾ شوال ذوالفقار 132 رنسن سان پاڪستان جي بهترين بيٽر رهي، جڏهن ته منيبا علي 106 رنسون ٺاهيون.
ون ڊي سيريز ۾ سدره امين 217 رنسون ۽ گل فيروز 145 رنسون ٺاهي نمايان رهيون.
