خيرپور (رپورٽ: شڪيل جانوري) پبلڪ هيلٿ انجنيئرنگ کاتي خيرپور ۾ مبينا ڪرپشن ۽ بدانتظامي بابت سنگين شڪايتن جو چيف سيڪريٽري سنڌ آصف حيدر شاهه نوٽيس وٺندي پبلڪ هيلٿ ڊويزن ون جي ايگزيڪيوٽو انجنيئر رضوان احمد ڦل کي معطل ڪري ڇڏيو آهي.
چيف سيڪريٽري سنڌ پاران جاري ڪيل نوٽيفڪيشن موجب معطل ڪيل ايگزيڪيوٽو انجنيئر خلاف ڪيتريون ئي شڪايتون مليون هيون، جن جي بنياد تي ڪارروائي ڪئي وئي آهي.
هوڏانهن پبلڪ هيلٿ انجنيئرنگ کاتي سنڌ جي سيڪريٽري سهيل احمد قريشي الڳ نوٽيفڪيشن جاري ڪندي رياض احمد ڦلپوٽو کي خيرپور ۾ نئون انجنيئر مقرر ڪري ڇڏيو آهي.
واضح رهي ته معطلي جو ڪارڻ ڄاڻايل شڪايتون آهن، جڏهن ته انهن ۾ لڳايل الزامن بابت جاچ جي نتيجن جي تصديق ٿيل تفصيل سامهون نه آيا آهن.
