گهوٽڪي (جعفر شيخ) ٿاڻي ٻيلو ميرپور جي حدن ۾ ڳوٺ ڪيهر مرڻاس ۾ سڱاوتي تڪرار تان ٻن ڌرين وچ ۾ فائرنگ جي نتيجي ۾ 3 ڄڻا مارجي ويا ۽ ٻن عورتن سميت 8 ڄڻا زخمي ٿي پيا.
پوليس موجب فائرنگ ۾ ٻنهي ڌرين جا ماڻهو مارجي ويا آهن، جڏهن ته زخمين ۾ عورتون پڻ شامل آهن. مارجي ويلن ۾ بلاول، وقار ۽ مختيار مرڻاس شامل آهن.
اطلاع ملڻ تي پوليس واقعي واري هنڌ پهچي لاش ۽ زخمين کي اسپتال منتقل ڪري ڇڏيو.
پوليس موجب زخمين جي حالت ڳڻتي جوڳي ٻڌائي پئي وڃي، جڏهن ته واقعي بابت وڌيڪ جاچ جاري آهي.
