اسلام آباد ( ويب ڊيسڪ ) حڪومت لڳاتار ٻئي ڏينهن پيٽرول ۽ ٽئين ڏينهن ڊيزل جي قيمت ۾ واڌ جو اعلان ڪري ڇڏيو آهي.
جاري ڪيل نوٽيفڪيشن موجب، پيٽرول جي في ليٽر قيمت ۾ 6 رپيا 39 پئسا ۽ ڊيزل جي في ليٽر قيمت ۾ 7 رپيا 83 پئسا اضافو ڪيو ويو آهي.
واڌ کانپوءِ پيٽرول جي نئين قيمت 327 رپيا 12 پئسا في ليٽر، جڏهن ته هاءِ اسپيڊ ڊيزل جي نئين قيمت 375 رپيا 4 پئسا في ليٽر مقرر ڪئي وئي آهي.
نوٽيفڪيشن موجب نيون قيمتون 23 جولاءِ کان لاڳو ٿينديون.
واضح رهي ته حڪومت خطي جي بگڙجندڙ صورتحال کي نظر ۾ رکندي پيٽروليم شين جي قيمتن جو تعين هاڻي روزاني بنيادن تي ڪرڻ جو فيصلو ڪيو آهي.
