واشنگٽن ( ويب ڊيسڪ ) پاڪستان ۽ آمريڪا دهشتگرد گروهن خلاف تعاون وڌيڪ مضبوط بڻائڻ تي اتفاق ڪيو آهي.
پرڏيهي آفيس موجب واشنگٽن ۾ پاڪ-آمريڪا انسداد دهشتگردي ڳالهين جي چوٿين دور دوران ٻنهي ملڪن سرحدي سيڪيورٽي کي وڌيڪ مضبوط بڻائڻ، دهشتگردن جي سهولتڪار نيٽ ورڪن جي خاتمي ۽ گڏيل سلامتي معاملن تي خيالن جي ڏي وٺ ڪئي.
ڳالهين جي قيادت آمريڪي ڪوآرڊينيٽر براءِ انسداد دهشتگردي ۽ پاڪستان جي پرڏيهي وزارت جي اسپيشل سيڪريٽري ڪئي.
گڏيل پڌرنامي ۾ چيو ويو ته پاڪستان ۽ آمريڪا انسداد دهشتگردي جي شعبي ۾ سهڪار کي وڌيڪ اثرائتو بڻائيندا ۽ خطي ۾ ڊگهي مدي واري امن، استحڪام ۽ خوشحالي لاءِ گڏيل مقصدن کي اڳتي وڌائيندا.
ٻنهي ملڪن ٽي ٽي پي، بي ايل اي، القاعده ۽ ٻين دهشتگرد تنظيمن خلاف گڏيل ڪارروائي جاري رکڻ جي عزم جو اظهار پڻ ڪيو.
