ڊيرا اسماعيل خان ۾ سيڪيورٽي فورسز ڳجهن اطلاعن تي ڪارروائي ڪندي 3 مبينا خوارج کي مارڻ جي دعويٰ ڪئي آهي.
سيڪيورٽي ذريعن موجب ڪارروائي عزم استحڪام ويزن تحت ڪئي وئي، جنهن دوران 3 مبينا دهشتگرد مارجي ويا. ذريعن جو چوڻ آهي ته سيڪيورٽي فورسز جون ڪارروايون دهشتگردن جي نيٽ ورڪن کي ڪمزور ڪرڻ ۾ اثرائتيون ثابت ٿي رهيون آهن.
واضح رهي ته گذريل ڏينهن به ڊيرا اسماعيل خان ۾ انٽيليجنس بيسڊ آپريشن دوران 8 مبينا دهشتگرد مارجي ويا هئا، جن ۾ سيڪيورٽي ذريعن موجب فتنته الخوارج جا 3 اهم اڳواڻ پڻ شامل هئا.
