ڪشمور (رپورٽر) ضلعي ڪشمور ۾ ڏوهارين خلاف آپريشن دوران پوليس مبينا مقابلي ۾ بدنام ڏوهاري ملگزار عرف ملھو بهلڪاڻي مارجي ويو.
پوليس موجب ايس ايس پي ڪشمور محمد مراد گهانگهرو جي سربراهي ۾ غوثپور ٿاڻي جي حد نئون روڊ ڀرسان انٽيليجنس بيسڊ آپريشن دوران فائرنگ جي ڏي وٺ ٿي، جنهن ۾ ملھو بهلڪاڻي مارجي ويو ۽ سندس قبضي مان ڪلاشنڪوف هٿ ڪئي وئي.
پوليس جو چوڻ آهي ته مارجي ويل ڏوهاري مزمل ۽ گل حسن پھنور قتل ڪيس جو مرڪزي جوابدار ۽ شهيد پوليس اهلڪار محمود لاشاري جي قتل ڪيس ۾ به گهربل هو.
جوابدار خلاف ڀنگ لاءِ اغوا، ڦر، ڀتا خوري، قتل ۽ پوليس تي حملن سميت 70 کان وڌيڪ ڪيس داخل هئا، جڏهن ته سندس ساٿي اونداهي جو فائدو وٺي فرار ٿي ويا، جن جي ڳولا لاءِ سرچ آپريشن جاري آهي.
Leave a Comment Leave a Comment
