رياض (رپورٽر) سعودي عرب ۾ يمن جي حوثي جماعت انصارالله جي حملن سبب 73 ڄڻا زخمي ٿي پيا، جن ۾ ٻار ۽ عورتون پڻ شامل آهن. سعودي اتحادي فوج موجب حوثين ابها، خميس مشيط، نجران ۽ جازان شهرن ۾ شهري ۽ اقتصادي هنڌن کي نشانو بڻايو. سعودي اتحادي فوج چيو آهي ته حوثي حملن جو سخت جواب ڏنو ويندو.
هوڏانهن گذريل آچر تي پاڪستان ۽ سعودي عرب جي پرڏيهي وزيرن ويجهي رابطي ۾ رهڻ تي اتفاق ڪيو هو. پرڏيهي آفيس جي ترجمان موجب نائب وزيراعظم اسحاق ڊار جي سعودي پرڏيهي وزير شهزادي فيصل بن فرحان سان ٽيليفون تي ڳالهه ٻولهه ٿي هئي.
