اسلام آباد(ويب نيوز) وزيراعظم شهباز شريف سعودي عرب تي حوثي مليشيا جي حملن جي سخت مذمت ڪندي شهري جي فوت ۽ زخمي ٿيڻ تي افسوس جو اظهار ڪيو آهي.
هڪ بيان ۾ وزيراعظم شهباز شريف چيو ته پاڪستان سعودي عرب جي قيادت ۽ عوام سان مڪمل بڌي جو اظهار ڪري ٿو.
وزيراعظم سعودي فوج ۽ اتحادي فورسز جي پيشاور صلاحيتن جي واکاڻ ڪندي چيو ته سعودي فوج ۽ اتحادي فورسز ڪيترن ئي بيلسٽڪ ميزائلن کي فضا ۾ ئي تباهه ڪيو.
شهباز شريف مڪي گڏيل دفاعي معاهدي تحت سعودي عرب جي خودمختياري ۽ علائقائي سلامتي جي تحفظ واري عزم کي ورجائيندي چيو ته پاڪستان سعودي عرب جي پنهنجي عوام، شهرن ۽ اهم ٺڪاڻن جي دفاع واري حق جي مڪمل حمايت ڪري ٿو.
وزيراعظم حوثي مليشيا تي زور ڀريو ته اهي سعودي عرب تي فوري طور حملا بند ڪن.
هن چيو ته پاڪستان هر خطري جي مقابلي ۾ سعودي عرب سان گڏ بيٺل رهندو.
