گهوٽڪي (رپورٽر) خانپورمهر ويجهو واٽر ڪورس ۾ ٻڏي ٻه معصوم نينگريون فوت ٿي ويون.
بچاءَ بند ڀرسان ڳوٺ اسماعيل پتافي ۾ گهرن ڀرسان وهندڙ واٽر ڪورس ۾ ٻه نينگريون ٻڏي ويون، جيڪي فوت ٿي ويون.
فوت ٿيل نينگرين ۾ 10 ورهين جي اجوا ڌيءَ اختيار پتافي ۽ 8 ورهين جي سبياڻي ڌيءَ عبدالمالڪ پتافي شامل آهن.
واقعي کانپوءِ وارثن ۽ علائقي واسين پهچي نينگرين جا لاش واٽر ڪورس مان ڪڍي گهر پهچايا، جتي ٻنهي ٻارڙين جي فوت ٿيڻ تي گهر ۾ ڪهرام مچي ويو.
