رتوديرو جيڪب آباد روڊ تي هٿياربندن جي فائرنگ ۾ 5 ڄڻا قتل ٿي ويا، مارجي ويلن مان 4 ڄڻن جو تعلق گهانگهرا برادري ۽ هڪ ڄڻي جو تعلق بروهي برادري سان ٻڌايو پيو وڃي.
مقتولن جي سڃاڻپ رجب علي گهانگهرو، بلاول گهانگهرو، رياض حسين گهانگهرو، قربان علي گهانگهرو ۽ عبدالله بروهي طور ٿي آهي.
ذريعن موجب گهانگهرا برادري جي ٻن ڌرين وچ ۾ زمين جي معاملي تان اڳ ئي تڪرار هلندڙ هو، جنهن بعد واقعو پيش آيو. فائرنگ کانپوءِ علائقي ۾ خوف ۽ ڇڪتاڻ واري صورتحال پيدا ٿي وئي. واقعو بابت وڌيڪ جاچ جاري آهي.
