ڪراچي جي عدالت شهري جي اغوا واري ڪيس ۾ اداڪار جي گرفتاري کان اڳ ضمانت منظور ڪري ورتي آهي۔
دهشتگردي ٽوڙ خاص عدالت ۾ منيب احمد بٽ پاران گرفتاري کان اڳ ضمانت جي درخواست داخل ڪئي وئي هئي، جيڪا شهري جي اغوا واري ڪيس ۾ ٻڌڻي لاءِ مقرر ڪئي وئي۔
اداڪار جي وڪيل عدالت ۾ موقف اختيار ڪيو ته منيب احمد بٽ بيگناهه آهن ۽ مٿن لڳايل الزام بي بنياد آهن۔ وڪيل موجب ڪيس هڪ ڏينهن جي دير سان داخل ڪيو ويو، پر ان دير بابت ڪا وضاحت نه ڏني وئي۔
هن چيو ته منيب احمد بٽ اڳ ئي مان حفاظتي ضمانت حاصل ڪري چڪو آهي، ان باوجود پوليس سندن گهر تي ڇاپا هڻي رهي آهي۔
ٻئي طرف سرڪاري وڪيل عدالت کي ٻڌايو ته 22 اپريل تي ايئرپورٽ ويندي شهري کي هٿياربند ماڻهن گاڏي ۾ ويهاري پاڻ سان وٺي ويا۔
الزام موجب جوابدارن شهري جي ڪرپٽو ۽ بئنڪ اڪائونٽن مان رقم نامعلوم اڪائونٽن ۾ منتقل ڪئي، جنهن ۾ 8600 آمريڪي ڊالر ۽ 24 لک رپين کان وڌيڪ پاڪستاني رقم شامل آهي۔
سرڪاري وڪيل موجب جوابدارن شهري جو ليپ ٽاپ ۽ موبائل فون لاڪ کولرائي ڊيٽا به ڊليٽ ڪئي ۽ پوءِ کيس ۾ ڇڏي فرار ٿي ويا۔ جاچ دوران اداڪار منيب احمد بٽ جو نالو سامهون آيو۔
عدالت منيب احمد بٽ جي گرفتاري کان اڳ ضمانت منظور ڪندي هڪ لک رپين جا مچلڪا جمع ڪرائڻ جو حڪم ڏنو، جڏهن ته ايندڙ ٻڌڻي تي جاچ آفيسر ۽ سرڪاري وڪيل کي پڻ طلب ڪيو ويو آهي۔
