گمبٽ (ممتاز ميمڻ) گمبٽ ڀرسان قومي شاهراهه تي قلندري هوٽل ويجهو تيز رفتار ٽرالر موٽرسائيڪل کي ٽڪر هڻي ڏنو، جنهن جي نتيجي ۾ هڪ عورت ۽ ٻن مردن سميت 3 ڄڻا زخمي ٿي پيا..
واقعي جي اطلاع تي ريسڪيو 1122 جون ٽيمون ۽ پوليس واقعي واري هنڌ پهچي ويون. زخمين کي ڪڍڻ لاءِ ريسڪيو آپريشن ڪيو ويو.
ٽرالر جو ڊرائيور حادثي کانپوءِ فرار ٿيڻ ۾ ڪامياب ٿي ويو.
پوليس موجب، واقعي بابت وڌيڪ جاچ جاري آهي ۽ فرار ٿيل ڊرائيور جي ڳولا ڪئي پئي وڃي.
