حيدرآباد( ذاڪر لغاري) ٽنڊوڄام ۾ ڏينهن ڏٺي هٿياربندن بئنڪ مان 10 لک رپيا ڪڍرائي گهر پهتل شهري کان رقم ڦر ڪري ورتي ۽ مزاحمت تي گولي هڻي زخمي ڪري ڇڏيو.
مير ڪالوني واسي صديق سومرو کي گهر جي دروازي آڏو ٽن هٿياربندن گهيري ورتو ۽ هٿيارن جي زور تي 10 لک رپيا ڦرڻ جي ڪوشش ڪئي.
پوليس موجب مزاحمت ڪرڻ تي هٿياربندن صديق سومرو کي گولي هڻي زخمي ڪري ڇڏيو ۽ 10 لک رپيا ڦر ڪري فرار ٿي ويا.
زخمي صديق سومرو کي فوري طور سول اسپتال حيدرآباد منتقل ڪيو ويو.واقعي جو اطلاع ملڻ تي پوليس واقعي واري هنڌ تفصيل ورتا.
