وزيراعظم شهباز شريف جو بيجنگ جي عظيم عوامي هال ۾ شاندار استقبال، گارڊ آف آنر پيش

بيجنگ (ويب ڊيسڪ) وزيراعظم شهباز شريف چيو آهي ته پاڪستان ايران ۽ امريڪا جي وچ ۾ ٽياڪڙي جو مخلصاڻو ڪردار ادا ڪيو آهي، جنهن ۾ فيلڊ مارشل عاصم منير ايراني ۽ امريڪي قيادت جي وچ ۾ رابطن ۾ اهم ڪردار ادا ڪيو، ۽ ٻنهي ملڪن جا معاملا هاڻي درست سمت ۾ اڳتي وڌي رهيا آهن.
چين جي دوري دوران بيجنگ جي عظيم عوامي هال ۾ وزيراعظم شهباز شريف جي اعزاز ۾ هڪ پروقار آجياڻي واري تقريب ڪوٺائي وئي، جتي چيني وزيراعظم لي چيانگ سندس گرمجوشي سان استقبال ڪيو ۽ کيس چيني هٿياربند فوج جي دستن پاران گارڊ آف آنر پيش ڪيو ويو.
تقريب کي خطاب ڪندي وزيراعظم چيو ته پاڪستان ۽ چين پنهنجي دوستي جا 75 سال ملهائي رهيا آهن، جنهن جو بنياد اسان جي باني اڳواڻن رکيو هو. هن امن جي قيام لاءِ صدر شي جن پنگ جي 4 نڪاتي ايجنڊا جي ڀرپور حمايت ڪئي.
ٻئي طرف، چيني وزيراعظم لي چيانگ علائقائي امن لاءِ پاڪستان جي هاڪاري ڪردار جي تعريف ڪندي چيو ته چين پاڪستان سان روايتي دوستي ۽ عملي سهڪار کي وڌائڻ لاءِ پرعزم آهي.
هن چيو ته صدر شي جن پنگ سان وزيراعظم شهباز شريف جي ملاقات ٻنهي ملڪن جي اسٽريٽجڪ لاڳاپن کي وڌيڪ گهرو ڪندي.