گمبٽ (ممتاز ميمڻ) چونڊڪو ۾ نينگر عبدالصمد گوپانگ سان مبينا اجتماعي بدفعلي ۽ وڊيو وائرل ڪرڻ واري معاملي جو خيرپور پوليس نوٽيس وٺندي 2 مک جوابدارن کي گرفتار ڪري ورتو.
خيرپور پوليس موجب ايس ايس پي خيرپور ڪيپٽن (ر) امير سعود مگسي جي هدايتن تي سوراهه ٿاڻي جي پوليس ڪارروائي ڪندي زوهيب ملاح ۽ ثناءُ الله ملاح کي گرفتار ڪيو.
پوليس موجب گرفتار جوابدارن خلاف سوراهه ٿاڻي تي ايف آءِ آر نمبر 128/2026 تحت قلم 377، 355، 357 ۽ 34 پي پي سي تحت ڪيس داخل ڪيو ويو آهي.
ايس ايس پي خيرپور چيو آهي ته نينگر سان مبينا بدفعلي ڪندڙ جوابدارن کي سخت سزا ڏيارڻ لاءِ ڪا به ڪسر نه ڇڏي ويندي.
